კონტენტის შესახებ

თუ თქვენ ხართ მედია სივრცის წარმომადგენელი კავკასიის რეგიონში, ზრუნავთ თქვენი მედიისა და პროდაქშენის განვითარებაზე, ჩვენ გაძლევთ უნიკალურ შესაძლებლობას და გიწვევთ კონტენტის გამოფენაზე,  რომელიც გაიმართება 27-28 სექტემბერს, ქ. თბილისში.

ოქროს თვალის კონტენტ გამოფენა არის უნიკალური პროექტი კავკასიის რეგიონში, რომელმაც საკმაოდ წარმატებულად აიღო სტარტი 2016 წელს. მარკეტზე მონაწილეობას იღებენ  კონტენტის წამყვანი მწარმოებელი და სადისტრიბუციო კომპანიები.

ღონისძიების ფარგლებში სატელევიზიო, კინო, საპროდიუსერო და სხვა მედია ბიზნესის წარმომადგენლებს ეძლევათ შანსი გაეცნონ უცხოელ კოლეგებს, დაამყარონ ფორმალური და არაფორმალური უფრთიერთობები. საფუძველი ჩაუყარონ ახალ თანამშრომლობას და წარმატებულ ხელშეკრულებებს. გაეცნონ საერთაშორისო მედია სივრცეში მიმდინარე სიახლეებსა და ტრენდებს.

გასულ წელს  კონტენტ მარკეტი საკმაოდ შედეგობრივი იყო, რამაც  განაპირობა სადისტრიბუციო კომპანიების მხრიდან მონაწილეობის საკმაოდ დიდ ინტერესი, შესაბამისად წელს კონტენტ მარკეტზე მონაწილეობას იღებს როგორც ძველი ასევე ახალი კომპანიები.

კონტენტ მარკეტი  ქმნის გარემოს, რომელიც აერთიანებს ყველას, ვინც ვიზუალურ ხელოვნებასა და მედია სფეროში მოღვაწეობს. ეს არის პლატფორმა მედია ბიზნესში ჩართული როგორც კომპანიებისათვის, ასევე ფიზიკური პირებისათვის. აღნიშნული ღონისძიება საუკეთესო საშუალებაა ინფორმაციის გაცვლის, ცოდნის გაზიარებისა და სამომავლო გეგმების დასახვისათვის.

 

 

 

პარტნიორები